اهلا وسهلا في مدونات زجل المغربي لااصيل

حرام عليك

اللِّي بِينِي أوبِينْكْ دابْ

واشْ مَنَّكْ ياالحبيب

واللاَّ مَكْتابْ

كّْليبي مسكين قاسى الْعْذابْ

أوخاب ظَنِّي فيكْ خابْ

كُونُوا شاهدين ياالحباب

كونوا حاضرين

لاتْكونوا غافْلينْ

سنين وانا نْسايْن

سنين وانا نْعايْنْ

أُوفَايْنْ غادي فايْنْ؟

حْرام

قلبي ياناس بالغرام َموْلُوع

ماهو مْكْري للنْزاهَة ولامَبْيُوع

يْتْقَطَّعْ مسكين فْ حبْسْ الضلوع

بابوُ كُلُّو قُضْبان أوممنوع

بالغرامْ فْ السما ياناس مَرْفُوع

ماغْرَّاتُو شمس ولاشموع

تْبْعاتُو العينْ بْحْبالْ الدْموع

كٌْالْكْ ماشِي أنا اللِّي عْوَاجِيت

هَذِيكْ الرِّيحْ اللِّي دَفْعاتْنِي

أو ماشي أنا اللِّي حْماقِيتْ

هذِيكْ الدنيا اللِّي دَوْخاتْنِي

أُو دَابَا أنا اليُوم سَالِيتْ

جاوْبُو صاحْبُو

ياك كُنْتْ مْعاكْ وقْت الريح أو العْجاجْ

قاوْمْتْها بْحالْ الحُوتْ وسطْ البحر أوالمَّاجْ

حتى أنا دَوَّزْتْ بحالْكْ حياتي تْقْشابْ

ولكِنْ كُنْتْ دارْبْ للدنيا آلف حْسابْ

دَرْتِيها بِالدِّيكْ إوا فُكْها دابا من العذاب

وَتاكْ الزَّازْ يا الرَّاسْ لْمْكٌُمَّلْ

خايف الغرام لايكون سباب شقايا

خايف قلبي لايكون سباب بلايا

وعلاش نخاف مادام الحبيب يسال ويقدار

قلبو ولاف قلبو ولاف قلبو ولاف

يا نبغي ننساه انا ما نقدار

وليت نحلم يمكن فمنامي نلاقاه

سولت ناس وقالو جا ريح داه

دا ودا قلبي اومن الموحال يا باش يغدار

قلبو ولاف قلبو ولاف قلبو لولاف

يا نبغي ننساه انا ما نقدار

غزالي راح اوماما بقيت نشوفو

خلى الجراح اوماما بقاو حروفو

هو الحبيب عمري وعمري فيه نفكر

قلبو ولاف قلبو ولاف قلبو ولاف

يا نبغي ننساه انا ما نقدار

ريح هواه غربي ويفاجي القليب